SYA`BAN SASIH NGABERSIHKEN
REREGED DOSA
Hadirin Kaum Muslimin Anu Mulya.
Alhamdulillah kalayan karunia Allah Swt, Allah anu
maha agung, urang sadaya kenging ni`mat tiasa ngagunakeun sesa yuswa dina
dinten jum`at sasih anu munggaran nyaeta sasih sya`ban 1433.H. mudah-mudahan
sesa yuswa urantg tiasa dieusi ku tobat sareng “ Ibadah “. Naon anu bade
dilaksanakeun ku urang dina ieu sasih enggoning ngabdikeun diri ka Allah Swt.
Panutan Agung Kangjeung Nabi Muhammad SAW, langkung
carincing pageuh kancing, saregep mayunan hubungan sareng Allah Swt, tatahar
kangge mayunan sasih Ramadhan anu bade dongkap sasih anu kalintang agungnna
wireh aya kawajiban ngalaksanakeun Saum Tea. Dawuhanana :
“ Ari Bulan Ramadhan , eta sasih sasih GustinAllah, Bulan Sya`ban
eta bulan kami. Ari bulan sya`ban bulan ngabersihken tina rereged-rereged dosa,
bulan ramadhan bulan nutupan sagala dosa.
Dina sasih ieu urang parantos waktosna ngabersihkeun
diri tina sagala dosa anu matak ngabahayakeun tur nyilakakeun dunya akhirat.
Upama diri jeung jiwa geus beresih, tinangtu dina bulan ramadhan tangtos baris
kiat nandangan tina sagala rupi cobaan sareng cobaan.
Hadirin Rohimakumulloh…
Sasih sya`ban teh sasih panalitian sareng pamariksaan
peribadahan-peribadahan urang : ningkatkeun sagala amal shalih sangkan engke dimana
ajal dongkap moal hariwang, margi bekelrna tos sadia mah.
Sasih sya`ban
ku umat mu`minin merenah pisan upama digunakeun pikeun ngalatih diri ngawarah
awak pikeun ngalaksanakeun taqwa atanapi ibadah anu saleureusna. Taqwa teh inggisna manusa milampah sakabeh
perkara anu dibenduan ku gusti Allah, ka asup dijerona ngajaga diri tina
sakabeh perbuatan ( tekad, ucap, lampah ) anu matak ngarugikeun diri sorangan
jeung ngaruksak atawa ngarugikeun pikeun batur.
Jadi jalmi atu taqwa teh, nyaeta jalma anu salamina
ati-ati ngariksa jeung ngaraksa diri tina sakabeh perkara ( kahayang, pikiran,
ucapan, jeung perbuatan) anu dibenduan ku Gusti Allah Swt, ngarugikeun diri
sorangan sareng ngarugikeun diri batur.
Sikap ati-ati sareng ngaraksa diri tadi dilakukeun dina
tilu hubungan kahirupan.
Ka hiji :Hubungan ka Gusti Allah Swt ( Ti Abid ka
ma`budna, ti maakhluk ka Kholikna ).
Ka dua : Hubungan ka diri pribadi salaku mahluk
Nafsiah ( Individual ) anu kudu tanggung jawab kana sagala tingkah paripolahna.
Mangka ati-ati dina raraga taqwa ieu, nyaeta kamampuan ngajaga diri tina
sakabeh pelanggaran boh kana aturan Allah, boh kana aturan manusa, anu bakal
ngarugikeun ka diri sorangan, margi satiap pelanggaran bakal mawa karugian pikeun
migawena boh di dunnya boh di akhirat.
Di dunya ayeuna ngalakukeun pelanggaran
bebas tina hukuman dunya, di akhiratmah geus dipastikeun moal bebas tina
wawales Gusti Allah. Pidawuh Allah dina Al-Quran :
Ka Tilu : Hubungan ka sasama manusa salaku mahluk
social ( Ijtima`iyah )Jalma anu taqwa salamina ati-ati ngajaga diri tina sagala
perkara, anu bakal ngaruksak tur ngarugikeun batur sok sanajan pikeun diri
sorangan ngadatangkeun ka-untungan
Hadirin Rohimakumulloh…?
Dina sasih sya`ban anu mulya ieu, mangga urang
seueurkeun amal shalih sareng tobat anu saleres-leresna; seueurkeun Shodaqoh kafakir
miskin, ka barudak yatim.
Terutami engke dina weungian kaping lima belas,
satiasa-tiasaa dina eta wengi kedah dianggo ibadah, maos Al-quran sareng
rupi-rupi du`a.
Ka Gusti Allah
wungkul urangt nunuhun, mugu-mugi Anjeuna maparin kurnia salamet jeung
kabagjaan dunya akhirat.
Nun Gusti, mugi-mugi Gusti nuduhkeun sareng
ngabingbing ka abdi sadaya, maparin berkah ka abdi sadaya, nampi tobat abdi
sadaya sareng ngawafatkeun abdi sadaya kalayan sasarengan sareng jalmi-jalmi
anu sarae mungguh Gusti.
Karana sing saha anu taat ka Allah katut ka Rosulna,
tanwande maranehna bakal pinaggih sareung kabagjaan anu ageing.
Hadirin Sidang Jum1ah Rohimakumulloh..
Sakumna Jalma bakal nyangharepan poe anu matak
pikasieuneun, yaeta poe anu disebut “ Maliki Yaumiddin “ Nyaeta mun Gusti Alloh Raja dina poe
pangwalesan. Naon rupa padameulan nu geus dipigawe ku urang tinangtu bakal aya balitungan
nana, nu teu nyinglar saeutik oge, malah lamun neuleuman sababaraha ayat
Al-Qur1an matak muringkak bulu punduk, sabab moal aya
0 comments:
Post a Comment