Khutbah Jum'at Bahasa Sunda

Contoh Khutbah Jum’at Bahasa Sunda

Tue lereus lamu umat Islam di Indonesia disebut umat anu teu beriman, Tapi teu bener deuih lamun disebut Iman tapi tauhidna walagri, Sabab geus bisa dijadikeun dalil yen ruksakna masyarakat jeung bejadna akhlaq anu kapanggih sapopoe the tanwande lemahna Iman.

Lamun percaya ka Alloh tangtu hampang kana Ibadah, gampang kana sedekah, sarta lamun percaya kana ayana sawarga jeung naraka tangtu ggebegan lamun ngalaksanakeun maksiat.

Emut para hadirin ahli jum`ah, umat Islam anu baheula mah imanan bener-bener, enyaan jeung tulen ka Alloh Swt. Lamun dibacakeun ayat Alloh ka aranjeuna ngadegdeg, ngater manahna sareng tambah imana. Aranjeuna tambah yakin bakal menang kabagjaan dunia jeung akhirat. Sareng aranjeuna yakin pisan tiap jalma anu ngabaekeun ngalalaworakeun kana Kitabulloh bakal meunang kahinaan jeung karendahan.

Hadirin ahli jum`ah anu mulua

Saparantos aranjeuna, datang umat anu anyar, anu ngaku beragama islam, tapi Kitabulloh ku aranjeuna ditonggongan, Sunnah Rosul ku aranjeuna ditinggalkeun sahingga maranehanana jadi umat anu jahil, anu bodo terhadap kana agamana, teu dibukakeun hatena kana kanyataan anu sabenerna. Maranehanana moyok kaom muslimin anu ti heula anu yakin geus menang kabagjaan jeung maranehanana ngahinakeun ka jalma-jalma anu geus meunang kauntungan jeung kasejahteraan. Maranehanana geus ningalkeun conto tauladan anu hade ti jalmi-jalmi Islam anu baheula, sahingga maranehanana sasar jeung teu menang pituduh ti Alloh Swt.

Anu leuwih matak sedih, nyaeta ti antara maranehanana aya anu ngarendahkeun hukum-hukumAlloh jeung nantang ngalawan anu kacida teuasna. Oge nyaci maki jeung ngahina kasucian agama, jeung akhirna maranehanana hirup dina karagu-raguan.

Dawuhan Alloh.

“ Jeung maranehna ngabohongkeun sarta maranehna nurutkeun hawa nafsu”.

( Q.S Al-Qomar Ayat 3 )

Pendekna  maranehanana saperti ahli kitab, cobi perhatoskeun dawuhan Alloh

“ Geus salasar maranehanana ti baretona sarta maranehna geus nyasarkeun batur anu kacida lobana, turta maranehna geus salasar tina jalan anun lempeng.

( Q.S  Al-Maidah Ayat 77 )

Pendekna mah gelap mata, poek mongkleng buta rata, ditutupan cahaya iman anu aya dina hatena ku syaithan anu dilaknat.

Jeung syaitan ngajadikeun manehna mandang hade kana lampahna. Nepi ka ngahalangan maranehna tina jalan Alloh, sedengkeun maranehna the jalma-jalma anu barisa ningali.

 Hadirin Jum`ah anu mulya !

Kumaha bisana umat anu geus ngabalieus tina pingpinan Alloh bisa ngahiji ? Kuimaha bisana maranehanana ngalakukeun ngalaksanakeun persatuan anu sajati ? Kumaha bisana maranehanana ngalaksanakeun persaudaraan anu sejati ?

Lamun disagigireun persaudaraan teu aya kaihlasan, jeung arikhlas hiji tatalining gaib anu lemes pisan tina jiwa manusa ka Allohna. Lamun hubungan anu lemes geus pegat atawa lepas, mangka moal kapanggih persaudaraan anu sajati anu suci.

 Kulantaran eta ngan ku Agama Alloh bisa bersaudara, jeung bisa teuguh eta persaudaraan, ieu the bisa ditingali tina katerangan agama jeung tina bukti-bukti anu geus berjalan di umat islam anu baheula.

Mudah-mudahan sanggeus ngajalankeun parentah Alloh, urang bisa bersaudara kalayan teguh jeung sasama kaum  muslimin, jeung mudah-mudahan Alloh ngaleungitkeun sagala rupa panyakit anubisa mecahkeun jeung ngarenggangkeun persaudaraan urang. Amin Ya Robbal Alamin.

“ Saestuna taya lian mu`minin the sadulur, kukituna rapihkeun antara dua dulur maraneh, jeung masing tarakwa ka Alloh, supaya maraneh dipaparin rahmat”.

Categories: PAI